Yii2 WordPress Web dasturlash Video dars Shaxsiy rivojlanish Sayt tayyorlash Qanday qilib Laravel Internetda pul ishlash Ingliz tili grammatikasi Ingliz tili IELTS

Widget

Widget

«Widget» (vidjet) – WordPress tizimida saytning frontend qismida qo’shimcha funksionallikni taqdim eta oluvchi bloklar birligi hisoblanadi. Vidjetlar sayt shabloni tomonidan belgilanadigan «vidjetlarga uchun moslashtirilgan joylar»da qo’yiladi.

Vidjetlar saytni yurituvchi foydalanuvchi uchun saytning ko’rinishi va funksiyalarini osonlik bilan o’zgartirish imkoniyatini berish maqsadida tashkil etilgan. Vidjetlarni osonlik bilan – ustiga sichqoncha tugmasini bosib, qo’yib yubormagan holatda vidjetlarni  bir joyda ikkinchi joyga olib borish orqali o’rnatish mumkin. Saytingizda qanday vidjetlar borligi va ularni qayerlarga qo’yish mumkinligini Ko’rinish -> Vidjet (Appearance -> Widget) bo’limidan bilib olishingiz mumkin.

Vidjetlar uchun moslangan joyning qayerda bo’lishi shablonga bog’liq. Shabloningizga qarab vidjetlar saytingizning yuqori (header), yon (sidebar), yoki pastki (footer) qismlarida joylashtirilishi mumkin. Aslida esa ularni qayerga joylashtirish borasida hech qanday cheklov yo’q. Shablon tayyorlanayotganda vidjetlarni saytning istalgan joyida joylashtirish imkoniyati bo’ladi.

Ko’pchilik shablonlarda vidjetlar juda faol ishlatiladi. Bugungi kunda deyarli barcha shablonlar vidjetlar tizimi uchun moslashtirilgan. Shablon mualliflari har bir shablon uchun mos keladigan qo’shimcha videjetlarni ham taklif etishadi. Ammo bu narsa har bir shablon uchun vidjetlar tizimini ishlatish majburiy, degani emas. Ba’zi shablonlarda umuman vidjetlar ishlatiladigan joy bo’lmasligi mumkin. Bu – to’liq normal holat. Agar saytingizning vidjet qo’yadigan joyib bo’lmasa, demak Siz ishlatayotgan shablon vidjetlar tizimi bilan ishlamaydi.

Vidjetlarning maqsadiga ko’ra juda ko’p turlari bor. Yuqorida aytib o’tilganidek, ba’zi shablonlar faqat o’zi uchun moslangan, maxsus vidjetlarni taklif etadi. Ba’zilari esa WordPress tizimida mavjud bo’lgan odatiy vidjetlardan foydalanadi. WordPress tizimining o’zida ham bir necha ko’p ishlatiladigan vidjetlar bor. Ular maqolalar ro’yxati, kalit so’zlar buluti, kalendar, menyu, bo’limlar ro’yxati kabi vidjetlarni o’z ichiga oladi.

Widget” maqolasida 4 fikr

    1. Azamat Xodjakov

      http://www.uz saytidan hisobgagich kodini kopiya qiling va Widget bo’limidagi vidjetlar ichidan Text (Matn) vidjetiga qo’ying. Tekst vidjeti kodni hisoblagich shaklida saytingizda ko’rsatadigan bo’ladi.

      Javob berish

Fikr bildirish

Email manzilingiz chop etilmaydi. Majburiy bandlar * bilan belgilangan