Yii2 WordPress Web dasturlash Video dars Startap Shaxsiy rivojlanish SEO Sayt tayyorlash Qanday qilib Laravel Internetda pul ishlash Ingliz tili grammatikasi Ingliz tili IELTS

Grammatik qoidalarni ixchamlashtirish

Grammatik qoidalarni ixchamlashtirish

Takrorlashning bilimlar onasi ekanligiga hech shubha yo’q. Bugun o’rganilgan yangi ilm erta va indin muntazam takrorlab turilmasa, bir kun kelib inson hotirasidan butkul o’chib ketishi ko’p bor isbotlangan haqiqatdir. O’zlashtirilgan bilim va tushunchalarning tez-tez takrorlab turilishi, savol-javoblar yoki o’rganilgan ilmni amaliy qo’llashga doir vaziyatlar asosida ularning o’tkirlab turilishi o’rgangan bilimimiz har doim o’zimiz bilan qolishimizni kafolatlaydi.

Ingliz tilini o’rganishingizda grammatik tushunchalar va qoidalarni doimiy ravishda esda saqlashingiz hamda kerakli vaqtda ularni amaliy qo’llay olishingiz muhim ahamiyatga ega. Abituriyentlar uchun kirish imtihonlarida ingliz tilidan testlarni bajarish vaqtining chegaralanganligini hisobga olsa, xotiradigan tushunchalarni nafaqat aniq eslay olish, balki ularni imkon qadar tez fursatda yodga tushira olish ham muhimligini bilamiz. Takrorlash, savol-javoblar va o’rganilgan tushunchalarning amalda tez-tez qo’llanilishi mazkur holatlarda juda qo’l keladi hamda ularning natijasi o’laroq o’rganilgan tushunchalar bilim hazinasidan mustahkamroq joy egallaydi.

Grammatikada, ayniqsa ingliz tili grammatikasida, takrorlash jarayonining osonroq bajarilishi uchun grammatik qoidalarni imkon qadar ixchamlashtirish kerak. Qisqa va sodda tushunchalar inson xotirasida uzun, murakkab tushunchalarga nisbatan tezroq o’rnashadi. Bundan tashqari, sodda tushunchalarni tushunib olib, yangi bilimlarni o’rganishga o’tish jarayoni ham tezlashadi. Shuning uchun grammatikadagi qoidalarni ixchamlashtirish va keyin takrorlash yaxshi natija beradi. Grammatik qoidalarni ixchamlashtirishga doir quyidagi tavsiyalarga amal qilishga harakat qiling:

ZAMONLARNING O’XSHASH CHIZGILARINI MUJASSAMLASHTIRIB O’RGANING. Ingliz tilidagi barcha zamonlarda o’rganilishi zarur bo’lgan uchta muhim jihat bor: (1) zamonning ishlatilishi, (2) zamondagi darak shakli gaplarining yasalish formulasi va (3) zamon asosidagi gaplarning so’roq/inkor shakllarining yasalishi. Mana shu uchta asosiy tushunchaning barcha zamonlarga hos ko’rinishlarini jamlab, ular asosida tushunchani ixchamlashtirishingiz mumkin. Huddi shu yo’sindagi savol-javob ham zamonlarga oid bilimingizni mustahkamlashda katta yordam beradi.

ANIQ ARTIKLNING «ISHLATILADI-ISHLATILMAYDI» USULIDA O’RGANILISHI. Bilasizki, THE aniq artikli juda ko’p otlar oldidan ishlatiladi va shu bilan bir qatorda juda ko’p otlar oldidan ishlatilmaydi. Bu ishlatilish va ishlatilmaslik holati asosida arikl tushunchasini ma’lum darajada ixchamlashtirishimiz va savol-javob qilishimiz mumkin. Bunda savol beruvchi faqat holatlarni so’raydi, masalan: daryo nomlari oldidan, tog’ tizmalari nomlari oldidan, shaharlar nomlari oldidan, cherkovlar nomlari oldidan, hayvonlar nomlari oldidan va hokazo. Javob beruvchi esa THE aniq artiklini nazarda tutgan holda «Ishlatiladi!», yoki «Ishlatilmaydi!», degan javoblarni beradi.

TURLI MA’NOLARDA QO’LLANILADIGAN PREDLOGLAR ASOSIDA TAKRORLASH. Ingliz tilidagi birgina ON predlogi bitta gapning o’zida bir nechta ma’noda ishlatilishi mumkin. Ularning ma’nolari, nima sababdan turli vaziyatlarda turlicha tarjima qilinishi kabi o’ziga hosliklari alohida-alohida ixchamlashtirilib, boshqa predloglar bilan taqqoslangan holda savol-javob qilinishi mumkin.

Shular kabi ingliz tili grammatikasining ma’nosi bir-biriga yaqin bo’lgan tushunchalarini muntazam takrorlab borish ingliz tili sohasidagi bilimingizga sezilarli darajada ijobiy hissa qo’shadi.

Grammatik qoidalarni ixchamlashtirish” maqolasida 2 fikr

  1. Master

    Assalomu alaykum! Men sizdan bir narsani so’ramoqchi edim, ingiliz tili gramatikasini o’rganmoqchiman, ya’ni boshidan. Qaysi qo’llanmalardan yoki kitoblardan foydalanishni maslahat berasiz? Javob uchun oldindan rahmat!

    Javob berish

    1. Azamat Xodjakov

      Saytning Savol-Javob bo’limida bu savol bir necha marta qayta so’ralgan va javob berilgan. Iltimos, ularni ko’rib chiqing.

      Javob berish

Fikr bildirish

Email manzilingiz chop etilmaydi. Majburiy bandlar * bilan belgilangan