Yii2 WordPress Web dasturlash Video dars Shaxsiy rivojlanish Sayt tayyorlash Qanday qilib Laravel Internetda pul ishlash Ingliz tili grammatikasi Ingliz tili IELTS

Favicon va uni saytga o’rnatish

Favicon va uni saytga o’rnatish

Favicon – bu «favourite icon» atamasi bilan taniqli bo’lgan, ko’pincha saytning logotipini o’zida aks ettiradigan va sayt ochilgan brauzer oynasining tepa burchagida ko’rinib turadigan saytning alohida yorlig’i hisoblanadi. Quyida uchta sayt – azamat.uz, daryo.uz va kun.uz saytlarining brauzerda ochilib turgan oynalari tasvirlangan. Brauzer oynalarida saytning nomi bilan bir qatorda shu saytlarning maxsus yorliqlari – «favicon»lar ham tasvirlanganligini ko’rishingiz mumkin:

Yuqorida ko’rsatilgandek yorliqlar – «favicon»lar deyarli barcha saytlarda mavjud. Ularni istalgan saytga kirganingizda brauzer oynasining yuqori qismida topasiz. Bu kichik yorliqlar saytning asosiy (root) papkasidagi «favicon.ico» fayli yordamida ko’rsatiladi. Saytda bunday yorliqlarning ko’rinishi uchun fayl saytning asosiy papkasida bo’lishi, «favicon» deb nomlanishi va albatta .ico kengaytmali fayl bo’lishi shart.

Saytingiz uchun tayyor faviconlarni turli maxsus saytlardan olishingiz mumkin. Misol uchun, Google orqali «favicon» deb qidirganimda men mana bu saytni topdim: www.favicon.cc. Bu saytga o’zingiz istagan turdagi va hajmdagi rasm faylini yuklaysiz va avtomatik tarzda shu rasmdan hosil qilingan, tayyor favicon faylini yuklab olasiz. Olingan faylni shunchaki FTP orqali saytingizga chiqarib qo’ysangiz, saytingiz yorlig’i aynan shu rasmdagi ko’rinishga keladi. Saytning «Latest Favicons» bo’limida foydalanuvchilar tomonidan yuklangan eng so’nggi faviconlarni ko’rishingiz mumkin. U yerda oddiy rasm shaklidagi faviconlardan tashqari qimirlab turuvchi animatsion yorliqlar ham bor. Bunday favicon tayyorlab beruvchi saytlar juda ko’p. Ularning barchasini Google qidiruvi orqali topishingiz mumkin.

Agar avtomatik tayyorlangan favicon ishlatishni xohlamasangiz va Photoshopda o’zingiz favicon tayyorlash niyatida bo’lsangiz, Photoshop dasturining .ico turdagi fayllarni saqlashga yordam beruvchi plaginini yuklab olishingiz va o’rnatishingiz kerak bo’ladi. Bu plagin o’rnatilgan holda kerakli xajmdagi istalgan rasmni Photoshop dasturida tahrirlaysiz va «Save as…» («Soxranit kak…») menyu bandi yordamida uni .ico turi bo’yicha saqlaysiz. Shundan keyin, bilasizki, tayyor «favicon.ico» faylni saytning asosiy papkasiga chaqrish qoladi.

Favicon juda kichik va ahamiyatsiz tuyulsa ham, saytning umumiy tashqi ko’rinishiga juda katta ta’sir ko’rsatadi. Bu yorliqlar faqat brauzer oynasida ko’rinishdan tashqari planshet va telefonlarda saytingiz yo’lini nusxalashganda saytingizning ajralib turuvchi belgisi sifatida ko’rsatilishini ham unutmang:

Saytingizni bezatishda va uning ajralib turishini ta’minlashda har bir kichik jihatga jiddiy e’tibor qarating.

Favicon va uni saytga o’rnatish” maqolasida 7 fikr

  1. Mumin

    Azamat aka sizga bir savolim bor.
    Wordpress bilan Joomla ni farqi va kamchiliklari xaqida malumot bersangiz ! Javob uchun oldindan raxmat.

    Javob berish

    1. Azamat Xodjakov

      Ularning farqi, ustunlik va kamchiliklari juda ko’p. Qisqa tarzda shuni ayta olamanki, WordPress Joomlaga nisbatan ancha ko’p foydalaniladi. Men WordPress foydalanuvchisiman, barcha loyihalarimni WordPress yordamida amalga oshiraman. Siz o’zingizning tanlovingizni qilishingiz kerak.
      CMSlar haqida qo’shimcha ma’lumotni Google orqali rus yoki ingliz tilida qidirib topishingiz mumkin.

      Javob berish

  2. sardor

    salom azamat oka sizda 1 sovolim bor edi man sayt ochdim zn.uz shuni qanday toliq ozbekcha qisam boladi shuni video qilib bering oldindan raxmat

    Javob berish

    1. Azamat Xodjakov

      ZN.UZda qila olmaysiz. Sayt tilini o’zgartirish uchun alohida hostingda mustaqil ishlaydigan WordPress o’rnatishingiz kerak bo’ladi.

      Javob berish

  3. Mumin

    Azamat aka joomla cms xam wordpress cms ga uxshab internetda hosting olbim tog’ridan tog’ri internetda ishlanadimi? Yobolmasam shaxsi komp.da tayyorlanib keyin uni internetga joylanadimi?

    Javob berish

Fikr bildirish

Email manzilingiz chop etilmaydi. Majburiy bandlar * bilan belgilangan