Bosh sahifa / WordPress / O'rnatish va sozlash / WordPress asosida ishlaydigan sayt tilini o’zgartirish

WordPress asosida ishlaydigan sayt tilini o’zgartirish

WordPress dasturining eng yangi versiyasi wordpress.org saytida har doim ilk bor ingliz tilida chiqariladi. WordPressning rasmiy relizlari ba’zi boshqa jahon tillarida ham mavjud. Masalan, rus tilidagi WordPressni ru.wordpress.org saytidan yuklab olishingiz mumkin. Bir qancha vaqt avval o’zbek webmasterlari uchun o’zbek web dasturchilari tomonidan WordPressning o’zbek tilidagi versiyasi ham taqdim etilgan edi. Uni uz.wordpress.org saytidan yuklab olishingiz mumkin edi. Hozirgi vaqtda WordPressning yangi versiyalari o’zbek tilidagi versiyadan ancha oldinlab ketganligi sababli o’zbek tilidagi rasmiy WordPress relizlari to’xtatilgan. Uning o’rnida WordPress O’zbekiston saytida ingliz tilidagi WordPressning eng so’nggi nusxasini yuklab olish taklif etiladi. WordPress tilini o’zgartirishni bilganimiz holda uning ingliz tilidagi so’nggi versiyasini yuklab olib, uni qiyinchiliklarsiz o’zbek tiliga o’girib olishimiz mumkin. Buning uchun WordPress tillari qanday ishlashini tushunib olishimiz kerak.

WordPressning odatiy, ya’ni hech qanday tilga o’girilmagan versiyasi o’rnatilganda uning asosiy tili ingliz tilida bo’ladi. WordPress tarjima qilingan til fayllari – PO va MO kengaytmali fayllar asosida boshqa tillarda ishlashi mumkin. Bu fayllar turli tillar uchun, jumladan, o’zbek tilida uchun ham mavjud. WordPress tarjima fayllari istalgan kishi tomonidan tarjima qilinishi va uning umumiy ishlatilishi uchun hissa qo’shilishi uchun tayyorlab qo’yilgan. Garchi o’zbek tilidagi fayllar 100% tarjima qilinmagan bo’lsa-da, uni o’z saytingizning asosiy qismini o’zbekchalashtirish uchun ishlatishingiz mumkin. O’zbek tilidagi PO va MO fayllarni mana bu yerdan yuklab olishingiz mumkin.

Til fayllarini (uz_UZ.po va uz_UZ.mo) saytni boshqa tilga o’girish uchun WordPressning o’rnatilish joyi (hostingdagi saytning asosiy papkasi – public_html yoki htdocs)dagi wp-content papkasi ichida languages papkasini yaratib, uning ichiga ko’chirasiz. Shundan so’ng saytning asosiy o’rnatilish papkasi – public_html yoki htdocs papkasining birinchi bosqichida joylashgan wp-config.php faylini Bloknot matn muharriri ochasiz va uning define (‘WPLANG’, »); deyilgan qismini topasiz. Bu qismni define (‘WPLANG’, ‘uz_UZ’); qilib o’zgartirasiz (ya’ni, qo’shtirnoq ichiga uz_UZ qismini yozasiz). Agar bunaqa yozuvni fayl ichidan topa olmasangiz, shunchaki fayl ichidagi «define»lar qatoriga define (‘WPLANG’, ‘uz_UZ’); qilib kiritib qo’ying. Amaliyot bajarilgandan so’ng wp-config.php fayli serverda saqlanishi (yangilanishi) kerak. Uni o’zgartirishni hosting admin panelida yoki FTP orqali amalga oshirishingiz mumkin (FTP dasturi bilan ishlash haqida mukammal ma’lumotni mana bu qo’llanmadan topishingiz mumkin). Shundan so’ng saytingiz o’zbek tilida ishlashni boshlaydi!

WordPressining o’zbek tilidagi rasmiy saytida ham bu haqida ma’lumot bor.

Tarjimaning PO va MO fayllarini mana bu yerdan olishingiz mumkin bo’lgan PoEdit dasturi orqali tarjima qilishingiz, tugallanmagan tarjimani to’ldirishingiz, ba’zi o’zingizga yoqmagan tarjimalarni o’zgartirishingiz mumkin. Bu dastur bilan ishlash juda oson: tilning PO faylini dasturda ochasiz, chap tomonda ingliz tilidagi iboralar, o’ng tomonda shu iboralarning o’zbek (yoki rus) tilidagi tarjimalari bo’ladi. Siz o’ng tomonga iboralar tarjimalarini yozasiz. MO faylni tarjima qilish shart emas, chunki u PO faylning siqilgan shakli hisoblanadi. Siz PoEdit dasturida PO faylni tarjima qilib, saqlaningizda dastur avtomatik tarzda MO faylni ham yangilaydi.

WordPressning o’zbek tilidagi imkoniyatlaridan foydalaning va agar imkoniyatingiz bo’lsa mana bu yerdagi tarjima loyihasiga o’z hissangizni qo’shing.

Abituriyentlar uchun test formulalari

45 ta fikr

  1. As salomy alaykum azamat aka men sizni saytingizni shablonini ko`chib oldim shablon ichida rus tili bor ekan shu tilni qanday qilib inglizcha dan ruschaga o`tkazish mumkin. Saytingizni shabloni yoqdi. Men Jarida shablonini inglizchalab boshqargani qiynalyabman russ tili bor lekin unga o`tkazishni bilmayatman. Oldindan raxmat.

  2. Raxmat aka tarjima qilib oldim

  3. men ham Azamat

    Salom Azamat aka, men wordpressni denwer yordamida o’rganishga harakat qilyapman, tilini o’zbekchaga o’zgartirmoqchiydim, lekin menda wp-config.php da define (‘wplang’.»») degan joyi chiqmayapti qayerda xato bo’lgan bo’lishi mumkin?

  4. Assalomu aleykum Azamat aka! O’zbek tilidagi .Po va .Mo Siz maqolada ko’rsatgan yerdan yuklab bo’lmayapti iltimos boshqa link bersangiz. Bu fayllar menga juda ham kerak edi sayt ochmoqchi edim

  5. Azamat aka men WordPressni rus versiyasini o’rnatib, saytimni sozlamalarini sozlab, maqolalar yozib, qisqasi saytim ustida ko’proq ish qilib bo’ldim endi undagi WPni o’zbekcha versiyasiga qanday qilib almashlayman ?

  6. Bu yerda o’zbek tili yo’q ! Faqat rus va ingliz tili bor xolos

  7. Salom Azamat aka. Menga saytingiz shabloni yoqdi. Agar malol kelmasa saytingizni shablon addresini download qilish uchun linkini yozib yuboring. Oldindan kotta raxmat!!!

Javob qoldirish

Email manzilingiz hech kimga ko'rsatilmaydi.Majburiy bo'limlar belgilangan *

*