Bosh sahifa / Sayt tayyorlash / Nega faqat o’zbek tilini bilgan holda dasturchi bo’lish mumkin emas?

Nega faqat o’zbek tilini bilgan holda dasturchi bo’lish mumkin emas?

Xorijiy tillarni bilish ko’pchilik sohada Sizga qo’shimcha imkoniyat yaratib berishi mumkin. Bunday sohalarda xorijiy tillarni bilishingiz Siz uchun shunchaki qo’shimcha qobiliyat hisoblanib, uning mavjud bo’lmasligi Sizni sohadan chiqib ketishga majbur qila olmaydi. Dasturchilikda esa hammasi aksincha.

O’zim bir necha yildan buyon dasturchilikni o’rganayapman. Imkon qadar ko’proq dasturlash tillarini bilib, o’zimga eng ma’qul bo’lganida professional darajaga yetishni maqsad qilganman. O’rganishim davomida juda ko’p martalab muammolarga duch kelaman va ularga yechim topish uchun yana ko’proq izlanish, o’rganish kerak bo’ladi. Internetda dasturchilikni bepul o’rganishingiz, har qanday muammoga yechim topishingiz, istalgan savolni ijtimoiy tarzda ommadan so’rashingiz mumkin. O’rganish va izlanishda hech qanday muammo yo’q, ammo xorijiy tillarni bilmaydigan o’rganuvchilar uchun til bilmaslik katta to’siq bo’lishi mumkin.

Tahminan bir yil avval men dasturchilikni bepul o’rgatadigan sayt tashkil qilmoqchi edim. w3schools.com saytini o’zbekchalashirib, huddi shu usulda o’zbek tilida so’zlashuvchi, xorijiy tilni bilmaydigan yoshlarga dasturlashning sodda tushunchalarini o’rgatishni maqsad qilgandim. Keyinchalik dasturchilik hech bo’lmaganda rus tilini yaxshi bilish orqali o’rganilishini, ingliz yoki rus kabi xorijiy tillarni bilmasdan dasturchilikni o’rganib bo’lmasligini anglaganimdan keyin harakatlarimni to’xtatgan edim.

Dasturchilikni o’zbek tilining o’zida o’rganishning imkoni hozircha yo’q. Chunki o’zbek tilidagi saytlarda dasturlash, dasturchilikka oid ma’lumotlar juda kam. O’rganishni endi boshlagan dasturchilarning bir muammoga duch kelganda kimdan savol so’rashi masalasi esa deyarli yechimi imkonsiz muammo hisoblanadi. Qachonlardir dasturlashni o’rganish uchun o’zbek tilining o’zi kifoya qilishi mumkin. Buning uchun dasturchilik haqida ko’plab ma’lumotlarni jamlagan saytlar huddi hozir klip va kino saytlari ommalashgandek rivojlanishi kerak.

Bugungi kunda dasturchilikni mukammal o’rganish uchun zarur bo’lgan xorijiy til – bu ingliz tili! Ingliz tilini 1) o’qiganini tushuna oladigan, 2) video darsni ko’rib, tinglab tushuna oladigan va 3) fikrini yozma ravishda ifoda eta oladigan darajada bilgan kishi dasturchilikni internet orqali o’rganishni boshlashi mumkin, deb hisoblayman. Rus tilini bilish ham huddi shu tarzda yordam berishi mumkin.

Ingliz tilini mukammal bilsangiz, dasturchilikni o’rganish uchun quyidagi saytlardagi darslarni tavsiya etaman: w3schools.com , tutsplus.com , tutorialspoint.com. Agar o’rganishingiz davomida muammoga duch kelsangiz, savol tug’ilsa, quyidagi saytlardan izlashingiz mumkin: stackoverflow.com , quora.com , reddit.com , codeproject.com , groups.google.com , coderanch.com , findnerd.com. Savol-javob saytlarida Siz duch kelgan muammo yuzasidan 99% holatda avvaldan savol so’ralgan va batafsil javob berilgan bo’ladi. Imkon qadar savol berishdan avval javoblarni izlab, o’rganib chiqishga harakat qiling.

Xulosa o’rnida maqolam sarlavhasidagi savolga javob bermoqchiman: dasturchilikni hozirgi holatda faqat o’zbek tilini bilgan holda o’rganish imkonsiz. Professional dasturchi bo’lib yetishishingiz uchun albatta rus yoki ingliz tilini mukammal bilishingiz shart. Dasturchilikni faqat o’zbek tilida o’rganish uchun bu soha bizda rivojlanishini bir necha o’n yil, balki yuz yil kutishingiz kerak bo’lishi mumkin. Yaxshiroq yechim esa rus yoki ingliz tilini yetarli darajada o’rganib, shu asosda dasturchilikni o’rganish bo’lib qolaveradi.

O’rganishdan hech qachon charchamang!

Abituriyentlar uchun test formulalari

Muallif Azamat Xodjakov

Men odamlarni ilm olishga ruhlantirishni xohlayman. Kimdir qachondir menga "Sen tufayli shu narsani o'rganib olgan edim", desa, dunyoda mendan baxtli inson bo'lmaydi!

7 ta fikr

  1. Azamat akka googledan Azamat.uz deb qidirganima saytingiz tagida » darsliklar, videolar va boshqa» bo’limlar chiqadi. Siz shuni qanday qilgansiz robot.txt dami, ummuman google qidiruv tizimida shunday efektga erishish uchun nima qilish kerak?

  2. Mening saytim php va html da yaratganman, wordpress da emas. Php da bo’limlarni qanday yaratadi robot.txt dami?

  3. lynda.com sayti ham juda yaxshi menimcha

  4. wordpressda ishlashni ham o’rgatadigan qanday yaxshi saytlar bor?

  5. Haqiqatan ba’zi qiziquvchilar uzbek tilida urganishni xohlashadi va qachon bizdayam shunday imkoniyat bularkin degan fikrlarni aytishadi. Men ham ularga «nega yosh bula turib ingliz tilini urganmaysizlar?»- deyman. Koreyadan bizga volonter kelganda uzbek tilini urganib kelibdi. (40 yoshga kirgan)
    Qo’shimcha qilib udacity.com, lynda.com saytlarini ham tavsiya qilaman…

  6. W3schools eng yaxshi o’rgatuvchi sayt. Agar tashqi trafikgingizdan qiynalsangiz,
    bu saytni oflayn versiyasini yuklab olishingiz mumkin marhamat: http://adspay.uz/MWFlNW

Javob qoldirish

Email manzilingiz hech kimga ko'rsatilmaydi.Majburiy bo'limlar belgilangan *

*